أمثال مغربية 2

- " دْخَل ياكل لفريك ، صبح معانا شريك "
- " ما تقطع الواد حتى تبان حجارو، وما تمشي في الليل حتى يطلع نهارو، وما تصاحب الصديق حتى تعرف خبارو .
- " طاحت الصمعة علقوا الحجام "
- " اللي سبقك بليلة ، سبقك بحيلة "
- " اللي تسحَّر مع لبراهش يصبح فاطر"
- " آش خاصك آ لعريان ، خاصني خاتم آ مولاي"
- " لا زين إلا زين لفعايل "
- " ضرب لحديد ما حدو سخون"
- " ضرب الحطب ما حدو رطب "
- " الوجه المشروك ما عمرو يتغسل"
- " الحب المزروب ، كله عيوب "
- " ورِّيه ورِّيه و يلا عمى سيرْ وخلِّيه"
- " كون كان الخوخ يداوي ، كون داوى راسو"
- " جا يعاونو في قبر بَّاه هرب ليه بالفاس "
- " اللي قال العصيدة باردة ، يدير إيدو فيها"
- " مائة تخميمة و تخميمة و لا ضربة بمقص"
- " حتى قط ما تا يهرب من دار العرس"
- " اللي قال العرس ساهل، يسقي لو غير ماه "
- " الجالس على الجرف يكون عوَّام "
- " الفقيه دحمان قرا لبرا سبع أيام و قال ليهم الخط عيَّان"
- " المكسي بديال الناس عريان"
- " وجه الشارفة ما يخفى ، ولو تحكو بالحلفة"
- " اللي قال ليك قال عليك"
- " ما ينسِّي البنت في امها غير همها "
- " ولد السبع سبع ما حدّو يكبر وهو كيخلع ، أو ولد الضبع ضبع تسخرو أمُّو يجيب الخميرة يجيب الشمع"
- " عين بنادم ما يعمَّرها غير التراب"
- " إيلا ارخص الشعير، اغلات لحمير "
- " خبز الدار إياكلو البرَّاني"
- " حزموني و رزموني وما تعولو علي "
- " اللي بغى العسل ، يصبر لقريس النحل"
- " اللي بغى الزين ، يصبر لتقيب الودنين"
- " ما قدو الفيل، زادوه الفيلة "
- " المعروضة في نهارها ، تكلس في دارها"
- " آجي أمّي نوريك دار خوالي"
- " الله يرحم من زار وخفَّفْ"
- " الحر بالغمزة و العبد بالدبزة "
- " النملة إيلا بغى يعذبها الله ، تيدير ليها جناح"
- " اللي شلاغمو من الحلفة ، ما يسوط على النار"
- " الناس في الناس ، و القرع في مشيط الراس"
- " جا يكحَّل ليها عماها"
- " دخّلناهم يشربو الرايب ، قالوا حقنا في الزرايب"
- " الجديد ليه جدتو ، و البالي لا تفرَّط فيه"
- " شكر صاحبك وسط الناس ، و لومو الراس في الراس"
- " الكريم ما يطيح ، ويلا طاح يلقى على من يتَّكَّى"
- " فاس ما تبنى في نهار "
- " الخنفوس في عين أمه عروس"
- " كل فولة مسوسة ، يجيها فلوس عور"
- " حتى زين ما خطاتو لولا"
- " اللي عندو مغرفة ، ما يحرق إيديه"
- " سال المجرب لا تسال الطبيب"
- " لا وجه للسعاية ، و لا دراع للخدمة"
- " عند رخصو، تخلِّي نصُّو"
- " إيلا مات البو توسَّدْ الركبة ، ويلا ماتت الأم توسد العتبة"
- " اللي ما جا بالمحبة ما يجي بالحزارة"
- " حماتي لالَّتي ، و بنتها مولاتي "
- " الكلب إيلا ما نبح ، ما عند مولاه فيه ربحْ"
- " على قد لحافك مد رجليك "
- " اللي ما تدِّي منو فايدة،و تكلس معاه على المايدة ، رفاكتو غير زايدة"
- " اللي غلبك بالجديد، غلبو بالصابون"
- " الْبسْ قدَّكْ إيواتيك"
- " العتبة مجرودة، و الركاني بالدودة"
- " تعلى العين حتى تعيا و الحاجب فوقها"
- " لالة زينة وزادها نور الحمام"
- "اللي دارو من الزجاج ، ما يضرب الناس بالحجر"
- " لو كان الحمَّام تايبيَّض، كون بيَّضْ قبابو"
ا- " الليل بودينتو ، و النهار بعوينتو"
- " هزَّان الحجر مع الأخيار، ولا ماكلة الحلوى مع الأشرار"
- " أنا و خويا على ولد عمي ، و أنا أو ولد عمي على العدو"
- " لقريص في البغال و الحمير في التزعريط"